أناشيد

موضوع: أناشيد الجمعة فبراير 12, 2010 10:54 pm

جينا وجينا وجينا تنقدم تهانينا
واليوم عيدك يا (....) كليتنا فرحانينا

تعي تعي تعالي نقعد تحت الدوالي
ناكل خوخ ورماني وما ننسى المندلينا

ردوا علي ردوا بالكف ياللا شدوا
واليوم عيدك يا (...) ياللا قوم وحلينا

*******************
غنوا يا اولاد
غنوا يا اولاد بعيد الميلاد
عيدك يا (....) احلى الاعياد

غنوا يا بنات احلى النغمات
عيدك يا (....) كله فرحات

هاتوا الشمعات واسقوا الشربات
عيدك يا (....) كله خيرات

صار عمري خمس سنين حكياتي صاروا حلوين
بابا وماما فرحانين في........ انا هالحبوب
انا حبوبة اهلي بحركاتي وبعقلي
بكرة بتشوفوا شغلي لما بكبر هالطول
يا ربي تخلي الاولاد وتفرحهم بالاعياد
وتخلي صف البستان وافرح معهم على طول.

تفضلوا عندي اليوم اليوم عيدي برحب فيكم بيوم عيدي
صار لي كثير استنا حتى ييجي نهار عيدي

ماما بتعمل لي كعكة تلبسها جوز وسكر
ما يحلا لي اكلها حتى تكونوا في المحضر

احطها على الصينية واصف شموع المضوية
واسحب نفسي بكل قوة واطفيها ماية بماية

عيدي اليوم احلى عيد احلى ايامي
امي تعايدني وبيي يعايدني
فاحت منه ريحة الورد عقبال خواتي
الزهر فتح كرمال عيدي حتى يهنيني
ست شمعات على قد عمري تقليد الزينة
بيحترقوا كرمالي تيضولي ايامي
فاحت منه ريحة الورد عقبال لخواتي

**************************
علي علي بابا
علي بابا عندو بستان علي علي بابا
حمار وجاجات وسعدان علي علي بابا

وفي ليلة من الليالي علي علي بابا
كان نايم في العلالي علي علي بابا
اجا التعلب المكار علي علي بابا
اكلوا الجاجات لكبار علي علي بابا

مسكين علي بابا اجا الثعلب المكار واكلوا الجاجات الكبار
نزل علي بابا على البستان
شاف البسة وقالتوا مياو مياو مياو
شاف الكلب وقالوا عو عو عو
شاف العنزة وقالتلوا ماء ماء ماء
شاف العصفور الي عالشجرة وقالوا صو صو صو صو

وعلي علي بابا
علي بابا عندو بستان علي علي بابا
حمار وجاجات وسعدان علي علي بابا
ولما رجع المكار علي علي بابا
شو عمل علي بابا؟
طخة بالنار طخ طخ طخ طخ

اصوات الحيوانات

سمعت الديك بيصيح بكير قبل الغربان (2)
بيقول كو كو كو كو راح فيق الكسلان

والعصفور اللي طاير طاير فوق البستان (2)
بيقول صوصوصو صو راح سافر بالبلدان

في عنا كلب كبير حارس امين كثير(2)
بيقول عوعو عو عو فيق الزغاليل

هالبسة شو امورة رايحة في الحاكورة (2)
بتقول نيو نيو نيو نيو في فارة صغيورة
**************************************
قوم من الفرشة بكير

قوم من الفرشة بكير الي بيتاخر كسلان
غسل بالصابون كثير وافرك معجون الاسنان
لاي لاي لاي لاي لاي لاي لاي لاي لاي لاي

لا تنسى تمشط شعرك وتنظف تحت ظفرك
خلي جسمك يتحرك بالرياضة على الاوزان
لاي لاي لاي لاي لاي لاي لاي لاي لاي لاي

افطر واحمل محفظتك وتمشى عامدرستك
لما تشوف معلمتك صبحها بخير الرحمان
لاي لاي لاي لاي لاي لاي لاي لاي لاي لاي

اسناني
اي اي يا اسناني سني موجع يا اخواني
اخدتني الماما وراحت على طبيب الاسناني
دهنلي مرهم خفيف ما بوجع شو لطيف
وقلي من بعد الاكل نظف اسنانك تنظيف
*********************************

(1) تعالوا نلعب سوا نرمي الطابة بالهوا
لما ترجع من بعيد نرميها من جديد

اللازمة:
نطي نطي يا طابه اعلى من البوابة
نطي من سطح الحارة على بيت الجارة

(2) لما بالطابة نلعب كل الساعة ما منتعب
واحد اثنين ثلاثه عدوا يا رفاقي

(3) واللي بيوصل للمية من غنيلوا غنية
واللي بيوقع بالعشرة من كشو برة

بالون
بابا اليوم جاب لي بالون يا عيني
احمر واصفر اللون يا عيني
بحيه شو بحبه البالون ياعيني
يا عيني على البالون يا عيني

نفخته شو صار كبير يا عيني
ربطته بخيط حرير يا عيني
ربطته صار حولي يطير يا عيني
يا عيني على البالون يا عيني

**************************
الجزرة
زرعنا جزرة في وسط البستان
سقاها ابي عاشت في امان
كبرت في حجمها عظمت في شكلها
اتى ليقلعها لم يقدر لها.

البيت الاول:
رآته امي جائت بعجل
امسكته بنشاط من غير ملل
امي امسكت ابي، ابي امسك الجزرة
شدوا شدوا فلم يقلعوها

البيت الثاني:
رآهم اخي جاء بعجل
امسكهم بنشاط من غير ملل
اخي امسك امي، امي امسكت ابي، ابي امسك الجزرة
شدوا شدوا فلم يقلعوها

البيت الثالث:
راتهم اختي جائت بعجل
امسكتهم بنشاط من غير ملل
اختي امسكت اخي، اخي امسك امي، امي امسكت ابي، ابي
امسك الجزرة
شدوا شدوا فلم يقلعوها

البيت الرابع:
راهم كلبي جاء بعجل
امسكتهم بنشاط من غير ملل
كلبي امسك اختي، اختي امسكت اخي، اخي امسك امي، امي
امسكت ابي، ابي امسك الجزرة
شدوا شدوا فلم يقلعوها

البيت الخامس:
راهم هري جاء بعجل
امسكهم بنشاط من غير ملل
هري امسك كلبي،كلبي امسك اختي، اختي امسكت اخي، اخي
امسك امي، امي امسكت ابي، ابي امسك الجزرة
شدوا شدوا فلم يقلعوها

البيت السادس:
راهم فاري جاء بعجل
امسكهم بنشاط من غير ملل
فاري امسك هري، هري امسك كلبي،كلبي امسك اختي، اختي امسكت اخي، اخي امسك امي، امي امسكت ابي، ابي امسك الجزرة
شدوا شدوا فقلعوها

***********************
ايام الاسبوع
القطار السريع:
انا القطار السريع حامل ايام الاسبوع:
الاحد، الاثنين، الثلاثاء، الاربعاء، الخميس، الجمعة والسبت
سبع ايام في الاسبوع، سبع ايام في الاسبوع.

اغنية الايام:
يلا نعد هالايام من واحد لسبعة
اول يوم يوم الاحد رب الناس واحد احد
والاثنين يا نور العين بابا وماما هالغاليين
ثلاثاء والاربعاء يا ربعي يا اصدقاء
يلا نضوي الشمعة للخميس والجمعة
والسبت اخر الاسبوع هيك بيصيروا سبعة
هيك بيصيروا سبعة
يلا نعد للسبعة: واحد، اثنين، ثلاثة، اربعة، خمسة، سته، سبعة.

************************************
نشيد الخريف

طلعت اليوم عالبستان يا دادا
شفتلك شجر عريان يا دادا
والهوا بنفخ غضبان يا دادا
والورق خايف رجفان
لا لا لا آه لالالا آه لالالا لالالا لالا آه

ورقة ورقة عم بتكت يا دادا
مثل دموع الباكيات يا دادا
يا هوا حرام عليك يا دادا
خليت الشجر عريان
لا لا لا آه لالالا آه لالالا لالالا لالا آه

ها ها ها ضحك الهوا يا دادا
نفخ في ذاني وعوا يا دادا
يا شاطر لازم تعرف يا دادا
الخريف كل هوا
لا لا لا آه لالالا آه لالالا لالالا لالا آه
*******************************
نشيد الخريف

اللازمة:
اصفرت اوراق الشجر في فصل الخريف
والشجر صابه ضجر ما عاد في حفيف
اوف يابا اوف اوف يابا اوف يابا اوف يابا اوف

البيت الاول:
والريح بيضرب اغصانك وينغم الحان
حزينة بتطلع انغامك مع نغم الرعيان

البيت الثاني:
طيور الصيف بتودعنا بتهجرنا لبعيد
هيك القمر بيظل معنا تيعودوا من جديد

) هالصيصان
(1) هالصيصان شو حلوين
عم بيدوروا حول امهن مبسوطين

(2) ما بخافوا لا لا شو ما شافوا لا لا
امهن وحدن وهني حدها فرحانين

(3) بتطعميهن ** وبتسقيهن **
وبتحميهن تحت جناحها دفيانين

(4) شربوا مي ** قالوا خي **
رفعوا راسهن شكروا ربهن ممنونين

(5) لبسوا جديد ** كانوا بعيد
راحوا سوا شموا الهوا فرحانين
*********************************************
لعبتي الصغيرة
البيت I :
لعبتي الصغيرة نامي في السرير
لتيجي العصفورة وتفيقك بكير
انا الماما حدك نامي بامان
كل الاولاد القدك ناموا من زمان
البيت II:
نامي بسريرك مثل ملاك صغير
انا لاشتريلك لعب حلوة كثير
لاجبلك مرجوحة سيارة وحصان
تتضلي مشروحة وصندوقك ملان
البيت III:
شوفي فراشك دافي كله ريش نعام
تيجيكي العوافي في وقت المنام
اذا هوهو بوبي انا اقولله سكوت
ان فيقت اللعبة ما بعطيك بسكوت

اصابع اليد
ارفع ايدك ارفعها تنحكي عن اصبعها
هالغنيوة حلوة كثير كل العالم يعرفها

اصغر اصبع الخنصر حدو موجود البنصر
بعدين بيجي الاوسط في ايدي هو الاطول

والسبابة عالشفة يعني ممنوع الكلام
آخر اصبع عالحفة هو اصبع الابهام

هالصرصور وهالنملة
هالصرصور وهالنملة هالصرصور راح للنملة
وقلها دخلك يا جارة يا سلطانة هالحارة
اعطيني اربع حبات بشكر ربي للممات
هزت راسها هالنملة حرقت قلبها هالجملة
وقالت له رح يا مسكين ما بدين كسلانين
فصل الصيف شو سويت؟ وين الحب اللي جانيت
سيعة بغني وسيعة بنام وسيعة بهيص في الحمام
**************************************************
عندي قطة
عندي قطة زي البطة
بتنط نطه ورا الفيران
عيونها بتلمع ياي شو بتسمع
دايما تطلع على الحيطان
اسمها فله وابنها فتله
اكا له قتله من الجيران
علشان هو سارق لحمة وشارق
مرقة صيصان
راح لامه يشكي هنه
ضربته على تمه لانو خان
قالت له نيو نيو قالها نيو نيو
تسرق كمان بكسر ايديك
بشلع دينيك وبتموت اوام
اومام اوام سمع الكلام
ضرب سلام عاشوا بامان

زقف زقف زقف
زقف زقف زقف على الطريق لا توقف (2)
زقفة عاليمين هيه
زقفة عالشمال هيه
زقفة لورا هيه
زقفة لقدام هيه
اربع زقفات كبار لقدام ولورا
واحد اثنين ثلاثة اربعة

ارقص ارقص ارقص على الطريق ارقص (2)
هزة عاليمين هيه
هزة عالشمال هيه
هزة لورا هيه
هزة لقدام هيه
اربع هزات كبار لقدام ولورا
واحد اثنين ثلاثة اربعة

نط نط نط نط على الطريق نط نط (2)
نطه عاليمين هيه
نطه عالشمال هيه
نطه لورا هيه
نطه لقدام هيه
اربع نطات كبار لقدام ولورا
واحد اثنين ثلاثة اربعة

اخبط اخبط اخبط على الارض اخبط (2)
خبطة عاليمين هيه
خبطة عالشمال هيه
خبطة لقدام هيه
خبطة لورا هيه
اربع خبطات كبار لقدام ولورا واحد اثنين ثلاثة اربعة

اخطو اخطو اخطو على الارض اخطو
خطوة عاليمين هيه
خطوة عالشمال هيه
خطوة لورا هيه
خطوة لقدام هيه
اربع خطوات كبار لقدام ولورا
واحد اثنين ثلاثة اربعة
************************************************
امي راحت تتسوق
امي راحت تتسوق
اختي بتخبز بالطابون
ستي عملتلي عجة
قلتها بزيت الزيتون

قالت لي طعمي اصحابك
لا تنسى تدفي حالك
قلت لها شكراً كثير
عالعجة وزيت الزيتون
**********************************

على دلعونا
على دلعونا وعلى دلعونا
زيتون بلادي اجمل ما يكونا

زيتون بلادي واللوز الاخضر
والمرامية ولا تنسى الزعتر
وقراص العجة لما بتتحمر
مطيب طعمتها بزيت الزيتونا

خبز ملتوت بجبنة طرية
اكله اتدفينا في الشتوية

وصحون السحلب والهيطلية
خلتنا ننسى بردة كانونا

يا ربي تشتي ونلبس طاقية
نلبس كبوت ونحمل شمسية
ونغنى سوى يا بعنوية
دايم في بلادي خبز الطابونا
***********************************.
الزيتونه

يلا يلا يا عفيف احنا في فصل الخريف
يلا نكت الزيتونه بشقشاقة يا عيوني
اما انتِ يا تغريد ناديلي عمي سعيد
نقعد تحت الزيتونه ونجول الحبة بل ايد
والحبات عالفلات بركة من احلى البركات
زدنا يا ربي خيرات بالايام الهنية
بئول حطوني بالكيس وعل المعصرة ودوني
من شان اصيرلكوا زيت وتعملوا مني صابونة

الزيتون
خذينا يا معلمتي خذينا عا هلمشوار
كروم الزيتون الحلوة عم تستنى ولادها لصغار
ومنحمل هالشقشاقة ومنفرط زي لكبار
ومنلقط حب الزيتون احنا الحلوين الشطار
حبة خضرة وحبة سمره بيصيروا قنطار
رصت الماما وكبست كوم الزيتون الي بالدار
درسنا وتهنينا ومن المعصرة اشترينا
اطيب زيت تعشينا من كرم ابو خطار

*****************
رمضان
البيت الاول:
جينا جينا جينالك يا يا رمضان
جينا وجبنا احبابك يا يا رمضان
جينا نقلك اهلا وسهلا ونقدملك كل الحلوى
مرحب مرحب يا رمضان اهلا وسهلا يا رمضان
البيت الثاني:
جينا جينا جينالك يا يا رمضان
جينا وجبنا احبابك يا يا رمضان
هل علينا نور هلالك ذقنا معك حلو صيامك
مرحب مرحب يا رمضان اهلا وسهلا يا رمضان
البيت الثالث:
جينا جينا جينالك يا يا رمضان
جينا وجبنا احبابك يا يا رمضان
يا بركاتك يا صلواتك فرحة وبهجة في سهراتك
مرحب مرحب يا رمضان اهلا وسهلا يا رمضان
********************************************
العيد
ما اجمل فرح الاعياد
يا بنات ويا اولاد
فرحانين ومبسوطين
بثياب وكلسات جداد

كل سنة وانتو سالمين
يا احباب ويا اصحاب
فرحانين ومبسوطين
هدايا والعاب جداد

بدنا نعيد عيد سعيد
بغنوله بكل البلاد
ويفرح وطني واطفاله
ما اجمل فرح الاعياد
******************************
ايام العيد
في ايام العيد الفرح بيزيد
فيه نرقص ونغني وبنلبس جديد

من فرحنا راح نطير ونغني زي العصافير
حتى ولا مرة ننسى انا نعطف عالفق

عيدك يا ماما
عيدك يا ماما عيد الاعياد
في كل الدنيا بتعيد الاولاد
في عيدك يا ماما في عيد الاعياد
كل سنة بقلبي بتكبر المحبة
وبدعيلك يا ماما تتضلي على دربي
لولا من عشية عذبناك شوية
ابقي سامحينا بعدنا اولاد
كل سنة بعيدك بيزيد عمري سنه
وبشوفك يا ماما انت كل الدني
شو حلوة الغنية لم بنغني ليلية
على صوتك الهادي اللي كله عياد.
****************************************
عصير البرتقال
البرتقال البرتقال شراب منعش للابدان
اعصر وشرب كباية بتلاقي حالك فرحان
في منه انواع كثير في اشكال وفي الوان
في منه اليافاوي وفي منه العكاوي
وفي منه دم الزغلول وفي منه الفرنساوي
اعصر منه وكل كثير شرب يشفي ويداوي
لو اجا عندك اصحاب او زارك بعض الاغراب
احسن شي توجبهم قدملم كاسة شراب
من عصير البرتقال بغني عن كل الشراب
***********************************************

شو حلوه هلبيارة
شو حلوه هلبيارة لو نقصدها بزيارة
خضرة وفيّ وجدول مّي ذوق وفن ومهارة
شو حلوة هالبيارة

هالبيارة صفوف صفوف والحبات رفوف رفوف
برتقال العال العال كله بهجة ونضارة
شو حلوة هالبيارة

يسلملي حب الليمون عم يلمع بين الغصون
عطر فاح وسد باح وفهمنا بالاشارة
شو حلوة هالبيارة
*******************************************
ليلة عيد
ليلة عيد ليلة عيد الليلة ليلة عيد
زينة وناس وصوت جراس عم بترن بعيد
ليلة عيد ليلة عيد الليلة ليلة عيد
صوت ولاد ثياب جداد وبكرة الحب جديد
عم بتلاقو الاصحاب بهدية خلف الباب
في شجرة في الدار ويدورو ولاد صغار
والشجرة صارت عيد والعيد سوارة بايد
والايد تعلق على الشجرة غنية وعناقيد.

اللازمة
يا مغارة كلها بيوت تلمع مثل الياقوت
كيف اجيتي عالدار ثلج ثريات وقمار
مين اللي جاي بعيد وعم برش مواعي يدق بواب الناس ويمشي والخير علينا يزيد
اللازمة
******************************************************************
ثلج ثلج

ثلج ثلج عمبتشتي الدنيا ثلج
والنجمات حيرانين وزهور الطرقات بردانين

ثلج ثلج عمبتشتي الدنيا ثلج
والغيمات تعبانين وعالتله خيمات مضويين (2)
ومغارة سهرانه فيها طفل صغير
بعيونو الحليانه حب كثير كثير

ثلج ثلج عمبتشتي الدنيا ثلج
على كل قلب وعلى كل مرج زهر فيه الحب مثل الثلج.

جايي رعيان من بعيد وين الطفل الموعود
هون يا رعيان العيد هون الليل المنشود

ثلج ثلج شتي خير وحب وثلج
على كل قلب على كل مرج الفه وخير وحب مثل الثلج(3)
********************************************************

نشيد الشتاء
اللازمة:
هي هي هي طاب الكيف حل الشتا اغلى ضيف

البيت الاول:
غيم كثير وبرق ورعد زخاخ المطر تشت
نحن ما منخاف البرد بيوتنا مفروشة على الكيف

البيت الثاني:
طراحة جنب الكانون وحكايا جدي الحنون
على الدفى ذبلت العيون سهرتنا حلوة على الكيف

البيت الثالث:
فلاحنا شو على باله حضر ارضه نياله
غنى الشتا مواله حضر لموسم الصيف.
**********************************
دق دق دق دق

دق دق دق دق دق دق دق دق مين اللي بيدق الباب
انا الهوا افتحوا لي مشتاق الكم يا احباب (2)

حو حو حو حو حو حو حو حو هذا الهوا يا اولاد
اجا الشتا واجا البرد اوعوا تفتحوله الباب (2)

دق دق دق دق دق دق دق دق افتحولي يا اولاد
شوفو شو حامل ع ظهري كبيابيت وثياب جداد (2)

مرحى مىحى شو هالفرحة يا الله تفتح يا اولاد
يالله نلبس كبوت احمر طاقية وكلسات جداد (2)

في عنا شجرة
الازمة:
في عنا شجرة قدام البيتد
نلعب في فياتها ونعمر بيت

1. شجرتنا عتيقة وخضرة كثير كثير
تبقى من عبكرا فيها العصافير
نبقى انا وخيي نلعب بها الفيِّ
ومن فرحتنا نطير

2. مرة من عبكرا وعينا وكان بكير
لقيناها مقصوصة وطاروا العصافير
ماعاد عنا فيي في وقت الظهرية
زعلنا كثير كثير

البريد
كل جمعة منكتب مكتوب لصاحب في تل ابيب
بكتبلوا عن احوالي في خط منيح وترتيب
بحطو في ظرف نظيف بشتري من الدكان
بلزق طابع عليه في القرنة فوق العنوان
بروح احط بايدي بقلب الصندوق الاحمر
بقولوا سلم عليه وفي الجواب لا تتاخر

» أناشيد....
» أناشيد
» أناشيد
» أناشيد الأصابع
» أناشيد عيد الأم