مسلم وين .......... ينادي حسين .......... خبر ما جاله من عنده
يــتــفـكـّـد بـبـن عــمـّـه .................... حسين اوتهمل اعيونه
صــار اهواي مــا ردله .................... ويجهــل حالـــه شلونه
يخاف اعليه امن الكوفه .................... يـخـذلـونـه ويـغدرونه
ظل محتار .......... يطب للدار .......... يلم بـعـيــالــه اوولــده
حميــده تـكلـّه يــا عمّي .................... ابــوي اليــوم اريدنّه
يمتــه ايرد يـبـو السجاد ..................... صار هواي فاركنه
بـغـيـر الـوالـد الغــالـي .................... الـعـمر لا مـــا اودّنّه
يمته يعود .......... ابونه العود ......... يـعـمّـي طــالـت المدّه
طلع محتار ابــو اليمّه .................... يناشد عن ابــن عمه
ولن طارش طلع ينعه .................... الغريب المنهدر دمه
يبو السجاد مسلم طاح ................... وعـليــه الــزلـــم لمّه
صبح مجتول .... يون ويكول ..... اعلة ابو السجاد انه ابشدّه
دخـل للخيمه ودمــوعه ..................... تسيل اعله الوجن من دم
تعالي يـــا حميدة يصيح .................... بـلـســان الحـــزن والـهم
شبكهه وصاح يا مسلم .................... بــنـّـتــك حــيــف تـتـيـتـّم
حسافة ابعيد .......... تموت اوحيد ......... اوعليك اعــداك تتعدّه
اجـتـلـه زيـنــب اتكلـّه .................... يبو السجـّاد كلـّي شصار
كــللـّهه انــغــدر مسلم .................... يـزيـنـب والزمــان اندار
مـــات ابعيد عـن اهله .................... اوظلـّوله يـتـامــه ازغار
صاحت حيف ...... اعله راعي السيف ........ يطيح ومحد يسنده
ويــوم الـّي دره العبـّاس ..................... هــز ابـجــفـّـه لمذهـّب
اويا وسفه اعله مسلم كال .................... مــن فوك القصر ينذب
يظل ثـــار البطـل مسلم .................... على ولاد الشطر مرحب
ونده مسلم .......... فلا تهتـم ......... اعله ثــارك كلبــي ما يهده